ખભેખભા કરો એક !

ખભેખભા કરો એક !

ખભેખભા કરો એક મારા ભાઈ,

ખભેખભા કરો એક...!

અન્યાયની સામે સૌ ઊભા થઈએ,

કામ કરીએ કંઈ નેક...! ખભેખભા કરો એક.

થાકે જો કોઇ એનો થઈને સહારો,

પહોંચી જઈએ હવે ઠેક...! ખભેખભા કરો એક.

હારવું નથી હવે નમવું નથી,

લીધી છે જોરદાર ટેક...! ખભેખભા કરો એક.

જીતવા હાટુને ઊભા થાવ સૌ,

લઈલો ભવમાંથી ભેખ...! ખભેખભા કરો એક.

જીદ કરીશું તો જ જીતીશું,

બદલીશું વિધિના લેખ...! ખભેખભા કરો એક.

ખભેખભા કરો એક મારા ભાઈ,

ખભેખભા કરો એક...!