જો દોસ્ત તું ના હોત

જો દોસ્ત તું ના હોત,

કોની સાથે રમત એ સંતાકૂકડી અને પકડદાવની એ રમત,

જો દોસ્ત તુંં ના હોત,

તે સ્કૂલથી ઘરે આવવાની હરીફાઈ અને 

તે લેશન પુરુ કરવાની હરીફાઈ

નું શું થાત ?

જો દોસ્ત તું ના હોત,

કોનાથી હું નારાજ થાત અને 

કોણ મને મનાવત ?

જો દોસ્ત તું ના હોત,

કોલેજની એ મસ્તી અને એ 

મોડી રાતની પાર્ટી કોની સાથે થાત ?

જો દોસ્ત તું ના હોત,

કોની સાથે કરત લેક્ચર્સ બંક,

અને કેવી રીતે મળત તે મારો પહેલો પ્રેમ ?

જો દોસ્ત તું ના હોત, 

કોણ ઠેકડી ઉડાવત મારા તે બ્રેકઅપની

અને કોણ દેવદાસ કહીને મને 

ચીડવત ?

જો દોસ્ત તું ના હોત,

પુસ્તકોનાં પાઠ તો આવડી જાત

પણ

જીવનનાં પાઠનું શું થાત ?

જો દોસ્ત તું ના હોત.