જિંદગીની દોડ
જિંદગીની દોડ
આ તે કેવી લાગી છે હોડ ?
ના આરામ ના થાક એવી જિંદગીની દોડ,
ભૂલભૂલૈયા રસ્તા ને ના મંજિલ છે, ના મોડ.
વગર વિચારે જીવાતી ના હાર
ના જીત એવી જિંદગીની દોડ
ઉગતો સૂરજ ને ઢળતી સાંજ.
ચમકતી ચાંદની રાતનો છે ના મોહ
તારીખો બદલાય ને વીતે વરસો
ના કોઈ કારણ ના કોઈ મારણ
કેવી દોડાય છે આ જિંદગીની દોડ
ખોળિયું ચલાવવા જોઈએ બે રોટલી
તો શાની ચમકદમક માં લાગી છે હોડ ?
ના આરાય ના થાક આ તે કેવી જિંદગીની દોડ !