જીવતા રહેવું

જીવતા રહેવું એટલે પરગજુ થૈને જીવવું,

જીવતા રહેવું એટલે આશા સંચારી જીવવું,

કેવળ શ્વસવું એ જીવતાની નિશાની નથી,

જીવતા રહેવું એટલે બીજાની આંખે જીવવું,

દિવસ વીત્યો એ કાંઈ સફળતા નથી હોતી,

જીવતા રહેવું એટલે કોઈના મનમાં અંકુરવું,

ખાવું, પીવુંને માત્ર મોજમજા પશુવત્ ગણાય,

જીવતા રહેવું એટલે ઈશનું ૠણ અદા કરવું,

નાના મોટાના ભેદ ઉંમરને પૈસા થકી મનાતા,

જીવતા રહેવું એટલે કોઈ ઉરમાં ફૂલવું ફાલવું,