જીવન વિતાવી ગયા
જીવન વિતાવી ગયા
બાળપણનું ભોળપણ જોયું અને યુવાનીની ખુમારી જોઈ,
બસ! પછી
ઘડપણમાં એ સમય યાદ કરીને જ તો જીવન વિતાવી ગયા.
ના જીવવાનું જીવી ગયા અને ના કરવાનું કરી ગયા,
બસ! પછી
અફસોસના એ દુઃખમાં જ તો જીવન વિતાવી ગયા.
વર્તમાનની ખુશીઓ દેખાઈ અને ભૂતકાળનું દુઃખ દેખાયું,
બસ! પછી
ભવિષ્યના એ વિચારોમાં જ તો જીવન વિતાવી ગયા.
અંતે ના તો પામ્યાનો હરખ રહ્યો કે ના તો ખોયાનો ગમ રહ્યો,
બસ! પછી
અંતરના એ નાના ઓરડામાં જ તો જીવન વિતાવી ગયા.
વિચાર્યું હતું કે ખંતથી જીવીશું,
પણ એ અનમોલ કિંમત અમે ચુકવી ના શક્યા,
બસ! પછી
જીવનની આ દોડમાં અમે અધવચ્ચે જ ક્યાંક જીવન વિતાવી ગયા.