હું રહું કે ના રહું શું ફરક પડે

હું રહું કે ના રહું,

શું ફરક પડશે ?

રોજ સૂરજ નવી કિરણો,

નવો ઉલ્લાસ લાવશે,

પંખીઓ ગીત ગાશે,

નદીઓ ખળ ખળ વહેશે,

ઝરણાં રૂમઝૂમ કરશે,

વાદળ વરસી ને ધરાને તૃપ્ત કરશે,

આ સંધ્યા આકાશને સિંદૂરી કરશે,

આ વસંત અને પાનખર આવ જા કરશે,

ઋતુઓનું આવન જાવન થશે,

જીવનની ઘટમાળ તો એજ રહેશે,

શું ફરક પડશે ?

બસ હું રહીશ,

મારા પોતાના લોકોનાં હૃદયમાં જીવંત,

હું રહીશ મારા શબ્દો થકી જીવંત,

હું રહીશ મારા કાર્યો થકી જીવંત.