હું ગુજરાતી
હું ગુજરાતી
1 min
210
હું ગરવી ગુજરાતી, મારું સ્વમાન ગુજરાતી,
અન્ય ભાષા બધી માસી, બોલું એ માઁ સમી ગુજરાતી,
હું હસું, રડું, ને રમું, જે પણ કરું અભિવ્યક્તિ ગુજરાતી,
પરિવારમાં મિત્રો સાથે બોલાતી, મા તરફથી મળી ભાષા ગુજરાતી,
વિચારું, વિહરું, લખું, લાગણીઓનો એ અનુભવ ગુજરાતી,
વિકસું, વિસ્તરું અને આગળ વધુ, બધી જ જગ્યાએ હું ગુજરાતી,
આગવી ઓળખ આપી અને લોકસાહિત્ય ગાઉં હું ગુજરાતી,
દેશ અને દુનિયાભરમાં પહોંચ્યો, છેક અંતરિક્ષ સુધી ગુજરાતી,
હૃદયનો ધબકાર ગુજરાતી, મારો અભિમાન મારો શ્વાસ ગુજરાતી,
એ જીવાડે મને હેતથી, જો હું જીવાડું માતૃભાષા ગુજરાતી,
ઉજવણી, ઉત્સાહ, કે આંદોલન મારી અભિવ્યક્તિ ગુજરાતી,
મારા વિચારો, મારા સપનાં, મારું મૂળ બસ ગુજરાતી.