હળવાશ ૪૦

આંખોમાં તારી જો મને ભીનાશ લાગે છે હવે, 

જો તું હૃદયની આમ મુજને પાસ લાગે છે હવે.

તારા અધર છે પાંખડી માફક ખીલેલા જોઈને, 

જોને મને એ સ્મિતમાં મીઠાશ લાગે છે હવે.

તારી લટો છે આમ ખુલ્લી ને લહેરાતી ઘટા,

જાણે ધરાની સાથ તો આકાશ લાગે છે હવે. 

તારું ય હૈયું આજ લાગે તો ધબકતું મારી સમ, 

એ ધડકનોમાં કેમ જાણે પ્યાસ લાગે છે હવે.

જોને હવે તું કલ્પનામાં સ્થિર થઈને છે ઉભી,

તું સ્વપ્નમાં પણ આવજે હળવાશ લાગે છે હવે.

આ 'શિલ્પ' ની મૂરત હવે આકાર થી ઉજળી થઈ,

જો કેટલો આ મુખ પર ઉલ્લાસ લાગે છે હવે.