હિન્દુસ્તાન 4

મોતી શું દેખી મબલખ ધાન્ય, 

ફિરંગી, બ્રિટિશો ને આવ્યા અન્ય, 

બ્રિટિશોએ સત્તા લીધી સ્વહસ્ત:

કિન્તુ વીરોએ કીધા પરાસ્ત. 

સત્ય, અહિંસાના પૂજારી 

ગાંધી સકલ વિશ્વમાં પૂજાયા;

વલ્લભ, સુભાષ, ભગત શા 

દીધા પનોતા સુજાયા !

વર્ષોથી આવ્યા પરદેશી 

ભળી ગયા સમરસ હિંદે વસી:

સૌમ્ય સનાતન હિન્દુસ્તાન 

આપણ અનહદ પ્યારો પ્રાણ !

છલકી વહે સુધામય ગંગા, 

ફરકે વિશ્વ વિજયી તિરંગા;

દિવ્ય તેજે દિવ્ય પ્રકાશે ભારતભાણ !

સુખ સમૃદ્ધિની સમરસ લ્હાણ. 

જગનું દ્વાર સુફલા અવની !

અમ ઉરની વીણા તાર 

ધન વૈભવની છોળો ઊડતી 

યુગ યુગ રહે અપરંપાર:

કરુણદેવી ! વત્સલમૂર્તિ ! ભારત મા !

તવ જયનાદ ચિર સકલ જગત મા !

સૌમ્ય સનાતન હિન્દુસ્તાન 

આપણ અનહદ પ્યારો પ્રાણ !