હે ક્રિષ્ના

હે ક્રિષ્ના, તારી વાંસળીના એવા તે સૂર તું છોડ,

આ દુનિયા આખી ચૂકવે એ સૂરના હર મોલ

હે ક્રિષ્ના...

પાપ અને દુરાચાર થઈ જાય હંમેશા દૂર

લાગી જાય સૌના મનડા તારી ભકિતને સૂર

હે ક્રિષ્ના...

ચોરી અને જુઠ એ તો ખોટા રે તુત

છોડી આ રસ્તા સૌમાં જાગે સત્યના નૂર

હે ક્રિષ્ના...

વિખૂટા પડવાથી મળે નહીં કોઈ સુખ રે ક્યાંય

એતો જાતે જ ખોદેલા છે દુઃખ એ સમજાય

હે ક્રિષ્ના...

ગાય અને વૃક્ષો તો દેવતા સમાન માત

એના વિના જગમાં હરેક કામ અધૂરાં રે જાણ

હે ક્રિષ્ના...