ગુલમહોર

રૂડો રૂપાળો દેખાય આ

ગુલમહોર રૂડો રૂપાળો

મારા ફળિયામાં સોહાય

આ ગુલમહોર રૂડો રૂપાળો

લીસ્સા સુંવાળા એના હાર્યા-ભર્યા પાન છે

ઝીણીઝીણી પાંદડીનું લલકાતુ ગાન છે

મને ભાળીને રાજી થાય આ ગુલમહોર

આ ગુલમહોર રૂડો રૂપાળો

ઘેઘુર ડાળીઓનો છાંયડો ઘટાદાર છે

દાદાની છત્રી જેવો સુંદર આકાર છે

આઘે આઘેથી ઓળખાય આ ગુલમહોર

આ ગુલમહોર રૂડો રૂપાળો

લાલચટક ફૂલોથી મસ્ત મસ્ત લાગતો

મધ મીઠા ફૂલ અમને ખાવાને આપતો

પંખીડા બેસી ગીત ગાય આ ગુલમહોર

આ ગુલમહોર રૂડો રૂપાળો