ગઝલ લખી છે મેં

કંઈક એવી રીતભાતથી ગઝલ લખી છે મેં,

તારી સાથેની યાદોમાં આખી ગઝલ લખી છે મેં,

તું જો આવી જાય મારા નયનો સામે,

આ અસંખ્ય ફૂલડાઓના બગીચાનું શું કામ,

અહીં તારી કજરારી આંખો, ગુલાબી ગાલ,

ફૂલ પાંદડી તણા હોઠના રૂપરંગની મોસમ લખી છે મેં,

મારા દિલમાં ખૂબ જ દર્દ છે પુરાણું,

આ દર્દમાં તું સાથ આપે એવી આશ લખી છે મેં,

આ ભરતી ઓટથી શું ફરક પડવાનો દરિયાને,

રેતીના કણકણમાં તને મળવાની તરસ લખી છે મેં,

લાગણી છે તો જ અસ્તિત્વ છે આ 'ક્ષિતિજ'ની ગઝલનું,

બાકી પ્રેમભર્યા શબ્દોથી વિશેષ ક્યાં કોઈ વાત લખી છે મેં.