એક વત્તા એક બરાબર એક
એક વત્તા એક બરાબર એક
તે અને મેં એક બીજાનું દિલ કર્યું છે હેક,
એક વત્તા એક બરાબર થઈ ગયા છે એક,
હું કરું છું રોકડો તું પ્રેમનો દે ચેક,
એક વત્તા એક બરાબર થઈ ગયા છે એક.
સુખ મળે ચપટીક જો, હું તોય આપું ભાગ,
દુઃખ ચડી આવે જો પડખે, તો તું હિસ્સો માંગ,
થાય પંક્ચર જિંદગીમાં, થઈ જતી તું જેક,
એક વત્તા એક બરાબર થઈ ગયા છે એક.
તું કલાપીની કવિતા, સુંદરમનો હું પાઠ,
એ રીતે બંધાઈ ગયા છૂટી શકે ના ગાંઠ,
જાય નહિ, નીકળેય નહિ કઈ, દિલ છે એવું પેક,
એક વત્તા એક બરાબર થઈ ગયા છે એક.