ലൈബ്രറി
പ്രൊഫൈൽ
દરિયો ખેડી બેઠો છું
દરિયો ખેડી બેઠો છું
1 min
308
કણ-કણ માપી બેઠો છું !
ક્ષિતિજ ઓળંગી હું આવ્યો છું !
ના સમજો મૂરખ 'મીત'ને !
આ બહુમુખી દુનિયાના દરિયા ખેડીને હું આવ્યો છું.
તોફાનોને અંતરના હું શાંત કરીને બેઠો છું !
મેરુ સમાન આફતોને સર કરી ને આવ્યો છું !
ના સમજો કાયર 'મીત'ને !
આ બહુમુખી દુનિયાના દરિયા ખેડીને હું આવ્યો છું.
ઘુઘવાટ તોફાની દરિયાના અંતરમાં શમાવી બેઠો છું !
જીવન-પ્રવાહ ના વહેણ વિરુધ્ધ તરીને હું આવ્યો છું !
ના સમજો વિદ્રોહી 'મીત' ને !
આ બહુમુખી દુનિયાનાં દરિયા ખેડીને હું આવ્યો છું.
હુંફાળા એક સાથ-સ્મિતની ખોટ વર્તી ને બેઠો છું !
માટે સેંકડો મુખ પર મીત-હાસ્યના ફૂલ ખીલાવતો આવ્યો છું ના સમજો પાગલ 'મીત'ને !
આ બહુમુખી દુનિયાના દરિયા ખેડીને હું આવ્યો છું.
