દીકરી

કરી લ્યો ફેરફાર કૈંક આવો, ઘરની વહુને ' દીકરી' બનાવો.

લઈ લ્યો જીવનનો કૈં લ્હાવો, ઘરની વહુને ' દીકરી' બનાવો.

કલેશ કજિયા સહુ દફનાવો, એને દીકરીનો પ્રેમ અપાવો.

ઘરને સ્વર્ગમાં તમે પલટાવો, ઘરની વહુને ' દીકરી ' બનાવો.

તમે મનને કયારેક તો મનાવો, નહિ મળે અવસર કૈ આવો.

એના પિયરને પ્રેમથકી ભૂલાવો, ઘરની વહુને 'દીકરી' બનાવો.

સ્નેહ તમારાં નૈનમાં છલકાવો, મુખે પ્રેમ પુત્રીનો પ્રગટાવો,

' ખૂબ થયું ' હવે બદલો સ્વભાવો, ઘરની વહુને ' દીકરી' બનાવો.

નહીં કદી ભૂલે તમારા ભાવો, તમે જાગોને બીજાને જગાવો.

નહીં રહેશે ફરિયાદ કે રાવો, ઘરની વહુને ' દીકરી' બનાવો.