ચાલને જંગલના રસ્તે
ચાલને જંગલના રસ્તે
ચાલને આ સિમેન્ટ કોંક્રિટના રોડ ને છોડી
જંગલના રસ્તે જઈએ.
ચાલને આ વનરાજીથી,
મનની ધરાને સંતૃપ્ત કરીએ,
ચાલને આ ખળ ખળ વહેતા ઝરણાની મોજ માણીયે.
ભીતર થીજી ગયેલી લાગણી ને પીગાળીએ.
આ વાહન ને ફેકટરી ઓ ના કર્કશ અવાજથી દૂર થઈ,
આ પંખીઓનો કલરવ સાંભળીએ,
ચાલને જીવનની મજા માણીએ.
ચાલને આ ઋષિઓના આશ્રમ જઈ,
આ હૃદયને સંતૃપ્ત કરીએ.
ચાલને આ અદેખાઈ, ઈર્ષ્યા, નફરતને જોઈ જોઈ થાકેલી આંખોમાં,
સપનાંના નવા રંગો ભરીએ,
ચાલને રોજ નવા કોયડા નવા પ્રશ્નોથી થાકેલા મનને,
થોડો આરામ આપીએ,
ચાલને આપણે જંગલ ના રસ્તે જઈએ.
ચાલને જંગલમાં પણ મંગલ કરીએ.
જીવનની સાચી ઉજાણી કરીએ.
સૂકી થઈ ગઈ છે આ હૃદયની ધરા,
ચાલને થોડી ભીનાશ અર્પીએ,
ચાલને આપણે જંગલના રસ્તે જઈએ,
ફ્રીઝ એસી ને કોરાણે મૂકી,
ચાલને નિર્ભેળ હવાની લહેરખીનો આનંદ લઈએ,
ચાલને આપણે કુદરતના સાનિધ્યમાં,
અદભૂત આનંદનો લહાવો લઈએ.