ચાલને એક નવી દુનિયા બનાવીએ

ચાલને એક નવી દુનિયા બનાવીએ,

ભૂતકાળને ભૂલી મળેલી ક્ષણોમાં જીવીએ,

ચાલને એક દુનિયા બનાવીએ.

બેસુરી બની ગઈ છે આ જીવનની વીણા,

ચાલને આ વીણાના તાર જોડી જીવન સંગીતમય બનાવીએ,

ચાલને એક નવી દુનિયા બનાવીએ.

મઝધારે તોફાનમાં ફસાઈ આ જીવનની નાવ,

ચાલને એને પાર લગાવીએ.

ચાલને એક નવી દુનિયા બનાવીએ.

ચાલને આ સૂરજની રજામંદી લઈ.

આ અંધકાર ભરેલા જીવનને ઉજાળિયે,

ચાલને એક નવી દુનિયા બનાવીએ.

ચાલ આ ચાંદ, તારાને મનાવી,

જીવનની રાહ રોશન કરી લઈએ,

ચાલને એક નવી દુનિયા બનાવીએ.