ચાલ આજે તને તારી સાથે રૂબરૂ કરાવું.

બ્રહ્માંડનો એક ખૂણો ઝળહળે એક જ્યોતની પડછાયમાં,

ના ઓળખે એ એને, પછી શું, એ ખોવાય એક ગામમાં.

આમ એક ઓરડી ભૂલી છે આજે એની ભાન, તો શું

એક જ્વાળાને એના જ પ્રકાશમાં ડૂબકી મરાવી લાવું?

ચાલ આજે તને તારી સાથે રૂબરૂ મુલાકાત કરાવી દવ,

મંદિરમાં પ્રગટ અખંડીત જ્યોતનું થોડું ભાન કરાવડાવું.

નજર કરીશ તો બસ અમારા જેવી જ આમ લાગીશ,

પણ એવું કંઈક ખાસ છે જે તને બનાવે છે ખાસ.

અંધકારથી પ્રકાશ સુધી લઈ જવું એ તો તારો મૂળ ધર્મ,

પણ તું રહી કુદરતની બક્ષિસ, એક ધર્મે ક્યાં જકડાવાની !

તારી હાજરી એટલે ખાલી અંધકાર માટે રોશનીની હયાતી?

ના તારી હાજરી એટલે બોનસમાં, ચોતરફ સુગંધની નદીઓ.

આમ એક ફરિશ્તારૂપી વિશેષતાઓ લઈને ઝળહળે છે તું, 

અવિરત બળીને સુગંધીત પ્રકાશ ફેલાવતું રહેવું એ જ તું છે.

ચાલ આજે તને તારી સાથે રૂબરૂ મુલાકાત કરાવું,

મંદિરમાં પ્રગટ અખંડીત જ્યોતનું થોડું ભાન કરાવડાવું.