માણી લો જિંદગી
માણી લો જિંદગી
ગમા-અણગમાની સસ્તી,
મેહફીલમાંથી મુકત કરો સ્વને,
આ શુભદિનના અવસરની,
ભવ્ય ઉજવણી કરી લ્યો.
બોજના મેળામાં આમતેમ,
બે ચાર ફેરફદુડી ફરી લ્યો,
કદાચ એક બે પળ ગમ્મતની,
ઉધાર મળી જાય તો !
વિપરીત વખતમાં મસ્તક,
નમાવી લો કોઈની સમક્ષ,
કોઈ નવી સવાર નવસબંધનો,
ગુલદસ્તો લઈ આવે ?
વેહતી નદીના નૂરને,
કાઠેથી જ નિહાળી લેજો,
ઉછળકૂદ કરતા આવતા,
વહેણના પારખા ના હોય.
તાલ મેળવી લો અસ્ત-મસ્ત,
ફરતા ઘડીના લોલક સહ,
ટકોરો વાગ્યા પછી,
એક મિનિટ પણ ચોરી નહિ શકો.
આ અમૃત સમ જીવનની,
જડીબુટ્ટી બજારમાં નહી મળે,
એટલે મશગુલ થઈને,
'માણી લો જિંદગી'ની મુલાકાતને.