ભીની આંખોને મારે હસાવવી છે

કોઈની ભીની આંખને મારે હસાવવી છે,

ઉદાસી એની મારે સઘળી દૂર કરવી છે,

કહેવું નથી મારે કશું એને આજ,

ફક્ત એની વાતો આજ સાંભળવી છે,

થોડી પ્રેરણાદાયી વાતો કરવી છે,

આજ એના ચહેરા પર મારે હસી જોવી છે,

ભૂલી ગયું છે રસ્તો આજે કોઈ પોતાનો,

એના માટે મારે નવી પગદંડી કરવી છે,

ઠોકરોથી પથ્થર બની પડ્યું છે કોઈ રાહ પર,

બસ મારે એને કંડારીને મૂરત બનાવવી છે,

કોઈની ભીની આંખોને આજે હસાવવી છે,

ચરણોમાં એની તમામ ખુશીઓ ધરવી છે.