અચાનક...
અચાનક...
આમ અચાનક જ તેમને બધું કહેવાઇ જાય છે અને તેમની સામે આવતાં જ અચાનક હોઠ સિવાઇ જાય છે;
ક્યારેક ક્યાંક પાંદડી પણ ખરે તો હો હા થઇ જાય છે અને ક્યાંક ચૂપચાપ વૃક્ષો મૂળ સહિત ઉખડી જાય છે;
વહી જતા સમયમાં જાણે જીંદગી આખી ખોવાઇ જાય છે તો ક્યાંક એકાદ ક્ષણમાં એ જીંદગી પાછી જડી જાય છે;
કુદરતની એ જ છે કમાલ કે દોસ્તો જે આગ જીવનભર સહુનું પેટ ઠારે છે તે જ છેવટે સહુને પોતાનામાં સમાવી જાય છે!!!