પ્રેમમાં છું

અત્યંત નજીકથી અનુભવાતા શ્વાસોના પ્રેમમાં છું હું,

લાગણીઓ થી ભરપૂર જીવતા માણસોના પ્રેમમાં છું હું;

ચોક્કસ સમયે શણગારીને બોલાતા શબ્દોના પ્રેમમાં છું હું,

ધારદાર અવાજ ધરાવતા કેટલાંક નિ:શબ્દોના પ્રેમમાં છું હું;

મન તરબતર કરતી માધવની વાંસળી ના પ્રેમમાં છું હું,

પ્રગટાવી શકે હજારો દિવા,એવી દિવાસળીના પ્રેમમાં છું હું;

કુદરતને ચાહતા રહેવાની મારી આદત ના પ્રેમમાં છું હું,

નિર્દોષ ભાવે થતી આ રીતે ઇશ્વરની ઇબાદતના પ્રેમમાં છું હું!!!