આસમાને રચી એક સુંદર ગઝલ

લઈ ધરતીનો કોરો કાગળ આ આસમાને

લખી ગઝલ

વૃક્ષોના હર પર્ણની બનાવી કલમ

આસમાને લખી એક ગઝલ,

આકાશી બુંદોની બનાવી શાહી

આ આસમાને લખી ગઝલ

આ મહેકતાં ફૂલોનાં લીધા છંદ

આસમાને લખી ગઝલ,

આ હવા બની સંગીત પૂર્યા

ગઝલમાં પ્રાણ.

આ ઝરણાનો ઝણકાર

આ દરિયાનો ઘૂઘવાટ

વધારે મહેફિલની શાન,

કમળનાં કાફિયા લીધાં,

રજનીગંધાના લીધા રદિફ.

પારસના લીધા પ્રાસ

સેવંતીના લીધા છંદ

આ ધરતીના કાગળ પર

આસમાને રચી એક સુંદર ગઝલ.