આળસ ન કર

માનવ હવે તો જાગને આળસ ન કર,

આ મોહ માયા ત્યાગને આળસ ન કર,

મૂકી અહીં જાવું પડે, સઘળું અહીં,

ઈશ્વર ભજી ત્યાં માંગને આળસ ન કર,

સાચાં સગાંને ઓળખી દ્વારે આવજે,

કે કોણ તારું તાગને, આળસ ન કર,

પાપોનાં પડછાયા અહીં ધેરી વળે,

શરણે હરિનાં ભાગને, આળસ ન કર,

ફેરા ફરી થાકી ગયો ભગવાન છું,

ધોયા નથી ત્યાં દાગને, આળસ ન કર,

આત્માનો કર ઉદ્ધાર સાચો તું હવે,

મ્હેંકી જશે મન બાગ ને, આળસ ન કર,

પરભવ સારું ભાથું હવે બાંધી લેજે,

માયા મેલી એ રાગને, આળસ ન કર.