આભારી છું

રસોડાની બારી માંથી દેખાતા પેલા લહેરાતા છોડની આભારી છું,

મારા બગીચામાં ગુંજન કરતા પેલા પંખીઓની આભારી છું, 

મારા પુસ્તકની પોથીમાંથી મળતાં એ સંતોષની આભારી છું,

શબ્દોની સંતાકૂકડી રમું છું,હું કલમની આભારી છું,

પ્રતિદિન જીવનમાં પ્રકાશ ફેલાવતા શબ્દોની આભારી છું,

સીધા-સાદા ને અતરંગી, મારા પરિવારની આભારી છું,

નક્કી હૈયાવરાળ જ ઊડી હશે આભમાં,

હું પેલા વરસાદની આભારી છું,

સમજીને બોલાય એ ખરું, બસ આ જીભની આભારી છું,

વાચક બની ખુદને જ સાંભળતા મારા મનની હું આભારી છું.