విరహల వీలునామా
విరహల వీలునామా
మల్లెల మత్తులను హత్తుకొని...
నీ అర కన్నుల కైపులు...
నా ఎదకేసే మన్మద పూల బాణాలు!!
నీ ముని పంటి నడుమ నలిగిన నీ పెదవంచు....
తెలిపే నీ తీపి విరహాల వీలునామా...
ఆ అదిరే అధరాలు నా సొంతం...
అవి చిందే మధువులు నా సొంతం... అని !!
నీ చూపుల... నీ రూపుల తడిలో తడిసి...
వేడెక్కిన నా ఊపిరి నీ మేని తాకేందుకు...
ఎదురు చూస్తున్నది... వేగిపోతున్నది!!
సిగ్గుల తెర మాటున ఎరుపెక్కిన నీ బుగ్గలు...
నా పెదవుల స్పర్శను స్వాగతిస్తున్నాయి...
సన్నాయి రాగాన... సుతిమెత్తని గీతాన!!