తననవ్వున

వెలుగుపూల తేనెజల్లు..గోర్వెచ్చని తననవ్వున..!

అల్లుకునే మల్లెవాన..మరి నవ్వని తననవ్వున..! 

కొబ్బరాకు మీది చినుకు..కోరి'కలకు రెక్కలేవొ.. 

కనిపించని మెఱుపువాగు..పరుగులగని తననవ్వున..! 

హృదయాంతర హేమలతా..రోదసిలో చేరి చూడు..

హంసయాన వీణియపై..సరిగమపని తననవ్వున..!

ఊపిరావిరౌతుంటే..ఆందోళన సహజములే.. 

మనసుగొడవ మాన్పగల్గు..ఆమనివని తననవ్వున..! 

పంచాక్షరి మంత్రానికి..వ్యాఖ్యానం ఎందుకటా.. 

అర్థాంతరన్యాసపు..నవరంజని తననవ్వున..!