తీయనైన తెలుగు

1.

తెలుగు నెపుడు మాటలాడుమా!తెనుంగు మాతృభాషగా

విలువ తెలిసి నేర్చుకోవయా!విమర్శ మాని బుద్ధిగా!

పలుకు పలుకులందు

దేనెలున్ బ్రమోదమిచ్చుచుండగా

గలికి తెలుగు కైతలన్నియున్ గలంబు బట్టి వ్రాయుమా!/

2.

వదల వలదు భాష నెన్నడున్ బరాయి భాష పైన గోర్కెతో

మొదలు నఱుకు చెట్టు చందమై భువిన్ దెనుంగు నాశమున్

వదరు పడుచు సల్పబోకుమా!స్వభాష యందు బ్రేమతో

బదము పదము పట్టి నేర్చినన్ బ్రకాశమౌగ తెల్గునున్ /

3.

మధురమయిన భాష యేదనన్ మనోహరమ్ము గాభువిన్

సుధలు చిలుకు భాష తెల్గురా సుగంధ

శోభితమ్ముగన్

నిధిగ నిలిచియుండు సంపదన్ నిరాదరంబు మానుచున్

విధిగ కొలిచి నేర్చుకొందమా విరాళిగా నుతించుచున్ /

---------------------