పరిచయం

నీ కోసం కానప్పుడు..వ్రాయలేను ఒక్క పదము..! 

నిన్ను గూర్చి గాకుండా..చేయలేను ఏ ధ్యానము..! 

మాటాడక ఎదుటపడక..దొంగాటలు ఆడేవులె.. 

నీ మౌనపు వెన్నెలింట..ఒకతియ్యని పోరాటము..! 

అంతరంగ విశ్వాలకు..రంగడివే కనపడవే.. 

ఈ పడవను చేరనిమ్ము..పాలకడలి పై గగనము..! 

మననడుమన సంభాషణ..నిరంతరము సాగేనా.. 

నోచుకున్న నీ కరుణకు..ఏదోయీ ఒక రూపము..! 

తీరముతో అలలగొడవ..తప్పదులే ఎవరికైన.. 

ఈమనస్సు కలలపట్టు..తప్పుటయే మనోహరము..!

కౌగిలింట అలరించే..రాగాలకు సెలవెపుడో.. 

నేను తోలుబొమ్మ సాక్షి..నీవన్నదె గురుపాఠము..