ప్రేమమూల

ప్రేమమూల మెక్కడుందొ.. చెప్పాలని చూస్తున్నా..!

నా శ్వాసల కోవెల నిను..నిలపాలని చూస్తున్నా..!

లేఖలెన్ని వ్రాసానో తృప్తి లేక దాచేసా..!

కలనైనా నీతోనే..గడపాలని చూస్తున్నా..!

మూతపడని నా కన్నుల..నీ రూపం చెదిరిపోదు..!

నీ ఒడిలో..పసి పాపగ..అవ్వాలని చూస్తున్నా..!

ఆ సీతాకోకచిలుక లేమి చెప్పగలవు చెప్పు..!?

నీ వలపుల వానలోన..తడవాలని చూస్తున్నా..!

మోడులైన తలపులకే ప్రాణమూదు ప్రియ రసికా..!

నీ చల్లని చేతులలో..వాలాలని చూస్తున్నా..!

నా కోర్కెల శంఖాలను పూరించగ జాగేలా..?!

నీ ఆరని సంతకమై..మిగలాలని చూస్తున్నా..!