కాల చక్రం

ఏది శాశ్వతం.. ఏది సత్యం..
కాల చక్రంలో కరిగిపోయే ఈ ప్రయాణం..
నిన్నటి నీడల వెనుక సాగే వేదన..
రేపటి వెలుగుకు దారి ఇచ్చే సమర్పణ..

మనం నాటిన చెట్ల నీడన కొత్త పిలుపులు వినపడే..
మనం వేసిన బాటలందు వేరే అడుగులు పడే..
నేనన్న భావన మెల్లగా మాయమైపోయే..
ఒక్కో బంధం ఒడిలో నుండి జారిపోతుండే..

చూపు మసకై, అడుగు తడబడి కాలం దాటే వేళలో..
గడిచిన తీపి జ్ఞాపకాలే కంటిపాపల వెలుగులో..
చేసొచ్చిన పోరాటమంతా ముగిసిపోతుంటే..
చేతిలోని జెండాను కొత్త చేతులకు అందించాలా..

ఆశలన్నీ తీరక ముందే ఆయువు కరిగిపోతుంటే..
కన్న కలలు కొత్త తరానికి వారసత్వమై నిలిచే..
మౌనంగా వీడ్కోలు చెబుతూ ముందుకు సాగాలా..
జీవితమంటే ఇచ్చిపోవడమే అని గుర్తించాలా..