దీపాలు

చిరునవ్వుల దీపాలను..వెలిగిస్తూ ఉండడమే..! 

మల్లియలా స్వచ్ఛంగా..జీవిస్తూ ఉండడమే..! 

ఏ కోరిక లేక చినుకు..ఏ గింజకు పాలౌనో.. 

చినుకుపూల తేరులాగ..పయనిస్తూ ఉండడమే..! 

ఏ చెట్టుకు ఆశ ఉంది..స్వార్థముంది తెలియవేమి.. 

నిన్ను-నీవు అనుక్షణం..గమనిస్తూ ఉండడమే..! 

ప్రయోజనం కోరు జనం..ప్రలోభాల బానిసలే.. 

సత్యసంధ నాయకులను..గెలిపిస్తూ ఉండడమే..! 

మరి నీతికి న్యాయానికి..కట్టుబడే వారెవరో.. 

సరిగ తెలిసి ధర్మమేదొ..పాటిస్తూ ఉండడమే..