ఈ బతుకు ప్రయాణం

ఎక్కడ మొదలైందో ఈ బతుకు ప్రయాణం
ఎక్కడ ముగిసేనో తెలియని పయనం
కనులు తెరిచిన క్షణమే మొదలైందా జీవితం
కనులు మూసిన క్షణమే ముగిసేనా ఈ కథనం
నిన్నటి మనిషి నేడు జ్ఞాపకమైతే
నేటి మనిషి రేపు ఏమైపోతాడో
ఊపిరి ఉన్నంతవరకే మనది లోకం
ఆ ఊపిరి ఆగితే ఎవరిదీ దేహం

పుట్టినప్పుడు వెంట ఏమి తీసుకురాలేదు
పోయే వేళ మనతో ఏది రానే రాదు
మధ్యలో దొరికిన బంధాల కోసమే
మనసెందుకో ఇంతగా తపన పడుతుంది
నాది నాది అంటూ దాచుకున్న సొమ్మంతా
నాలుగు గోడల మధ్య మిగిలిపోతుంటే
నా వాళ్ళు అంటూ నమ్ముకున్నవారంతా
చివరి దారిలో కొంత దూరమే వస్తారే
ఎక్కడ మొదలైందో ఈ బతుకు ప్రయాణం
ఎక్కడ ముగిసేనో తెలియని పయనం
నిన్నటి మనిషి నేడు జ్ఞాపకమైతే
నేటి మనిషి రేపు ఏమైపోతాడో
చిన్నప్పుడు అమ్మ ఒడిలో నవ్విన మనిషి
చివరికి నేల ఒడిలో చేరాల్సిందే
ఎన్ని అంతస్తుల మేడలు కట్టుకున్నా
చివరికి కావాల్సిన చోటు కొంచెమే
ఎంత పేరు సంపాదించి గర్వపడినా
కాలం ముందు ఆ పేరు చెరిగిపోదా
ఎంత బలముందని విర్రవీగినా
ఒక్క క్షణంలో ఊపిరే విడిచిపోదా
నిన్న నాతో నడిచిన అడుగుల జాడ
నేడు వెతికినా కనిపించదే
నిన్న నాతో నవ్విన ఆ మనిషి
నేడు పిలిచినా పలకడే

కాలమనే నది ఆగదుగా ఎవరికోసం
కన్నీటి చుక్క నిలవదుగా జీవితాంతం
వచ్చిన ప్రతి మనిషి వెళ్ళాల్సిందే
మిగిలేది చేసిన మంచే కదా
చివరికి కోపమెందుకు పగలెందుకు
రేపు ఉంటామో లేదో తెలియనప్పుడు
ఆస్తులెందుకు అహంకారమెందుకు
ఊపిరే మనది కానప్పుడు
నాలుగు రోజుల ఈ బతుకు కోసం
నలుగురి మనసులు విరిచేదెందుకు
వెళ్ళిపోయే చివరి క్షణాన
ఒక్క ప్రేమ జ్ఞాపకం చాలు కదా

ఎక్కడ మొదలైందో ఎక్కడ ముగిసేనో
ఎక్కడ ఎవరికి తెలుసు ఈ బతుకు రహస్యం
వచ్చిన దారి గుర్తుండదు మనకు
వెళ్లే దారి ముందే తెలియదు మనకు
ఈరోజు మనదని నవ్వుతూ బతికేద్దాం
మనసున్నంతవరకు మంచిని పంచిపెడదాం
చివరి ఊపిరి ఎప్పుడు పోతుందో తెలియదు
అందుకే ఉన్న క్షణాన మనిషిగా బతికేద్దాం
ఊపిరి మొదలైతే బతుకంటారు
ఊపిరి ఆగిపోతే జ్ఞాపకమంటారు
ఈ రెండింటి మధ్యనున్న కొద్దిపాటి కాలాన్నే
మనిషి తన ప్రపంచమని నమ్ముకుంటాడు