అలుపెరుగని ప్రేమ

ప౹౹

అలపే ఎరుగని అచ్చమైన నిజ ప్రేమికుడా

గెలుపే తరగని గమ్యమే గల స్వాప్నికుడా ౹2౹

ప౹౹

అందమంటే అతివది అని చాటించగలవా

సుందరమైన మనసుతో నిరూపించగలవా ౹2౹

పంచిన ప్రేమా పరువంలో పది రెట్లగునులే

ఉంచిన నెమ్మి ఊరించి రేపటి మెట్టగునులే ౹ప౹

చ౹౹

కోరికలా కొండంత మదిని చేరి పెరుగునులే

మరకలా మనుసులో తారాడి తిరుగునులే ౹2౹

తీర్చ ఆ వాంచనే తీరిక చేసి నీ ప్రేమ పంచు

కూర్చి కూరిమినే చేరికతో ఆమెదుటే ఉంచు ౹ప౹

చ౹౹

వ్యర్ధ ప్రేమికుల స్పర్ధ మాటలను మరి వినక

స్వార్ధంలేని స్వచ్చత చూపూ ఎలమి వెనుక ౹2౹

జయం నీదే కలసి జరిపించ వలపు యజ్ఞం

హయమనే ప్రేమను స్వారించుటే మనోజ్ఞం ౹ప౹