நூலகம்
சுயவிவரம்
தொல்லியல் தோழன்!
தொல்லியல் தோழன்!
தித்திக்கும் சங்க இலக்கிய பாடல்கள்
திக்கெங்கும் சங்கத்தமிழ் ஆர்வலர்கள்!
திகைக்கும் வரலாற்று ஆராய்ச்சியாளர்கள்;
தெவிட்டாத அகழாராய்ச்சி சான்றுகள்!
விழிகள் இமைக்கா முத்துமணிகள்,
விளிம்புகொண்ட கொண்டை ஊசிகள்;
சிறப்பிற்குரிய சிலப்பதிகாரம், பரிபாடல்
மதுரைக்காஞ்சி வழங்கிய கல்மணிகள்!
சங்ககால விளையாட்டின் பிம்பங்கள்
சில்லு, தாயக்கட்டை, சதுரங்க காய்கள்;
சுடுமண் பொம்மைகள், உறைகேணிகள்
அழிந்திடாத சங்ககால தொல்பொருட்கள்!
வீதியெங்கும் அதிகளவில் செங்கல்வீடுகள்
வியத்தகு கூரையில் மட்கலஓடுகள்!
கற்க இனிதாம் தமிழ் பிராமி எழுத்துக்கள்,
காணக்கிடைக்காத சுடுமண் முத்திரைகள்!
அம்புகள், இரும்பு செம்பு ஆயுதங்கள்
அரியவகை அணிகலன்கலாம் ஆதாரங்கள்!
எழுத்தாணிகளே எழுத்தறிவின் சுவடுகள்,
வைகைநகர நாகரீகத்துக்கான அடிப்படைகள்!
இல்லையாம் சங்க காலத்தில் கட்டிடடங்கள்,
கூற்றைப் பொய்யாக்கின கீழடிச் சாதனைகள்!
தரணியெங்கும் தமிழகத்தின் அகழாய்வுகள்
தலைவணங்கும் தமிழினத்தின் வேர்கள்!
