நட்பு வளையம்
நட்பு வளையம்
யாஸ்மின் அழகுதான்
அவளை முதல்நாளில் ராகிங் செய்தனர்
என்னைக் செய்யவில்லை
நான் அழகில்லை என்று அர்த்தமில்லை
அவர்களுக்குத் தெரியவில்லை
மீனாட்சியும் அகப்பட்டுக் கொண்டாள்
அவள் மிகவும் துணிச்சல்காரி
எனக்கு துணிச்சல் போதாதென்று பொருளில்லை
நான் காட்டிக் கொள்ளவில்லை
ஷீலாவும் மாட்டிக் கொண்டாள்
அவள் வாயாடி
எனக்கும் பேசத் தெரியும்
ஆனால்
நான் பேசவில்லை (அவர்களிடம் பயம்)
முதல்நாள் நன்றாகத்தான் இருந்தது
மறுநாளிலிருந்துதான் தெரிந்தது
நான் அவர்கள் நட்பு வளையத்தைத் தவறவிட்டது