மேன்மையுடன்

உன் நட்பின் மேன்மை

என் இதய துடிப்புள்ளவரை

நம் நட்பின் பந்தம்

நம் உயிரினும் மேலான

ஆத்மாவின் பதிவுனுள்

எத்தனை பிறவிகளில்

நீ என்னைத் தொடர்ந்தாயோ

இப்பிறவியினில் என்னை

தொடர்பு கொள்ள மறந்தாயோ

எங்கோ நீ இருந்தாலும்

என் இதயம் அறியும் உன்னை

இப்பூமியின் சுழற்சியினில்

மாறி வரும் பருவங்களாய்

நம் தோழமைக்கும் 

இன்று ஒரு வறண்ட காலம்

உன்னை நான் மீண்டும்

நேருக்கு நேர் சந்திக்கும்

அந்த வசந்த காலத்திற்கு

நான் காத்திருக்கும் 

மாலைப் பொழுதுகளில்

மெளனமாய் என்னிதயத்தில்

ஒலிக்கும் அத்தனை துடிப்புகளும்

வேண்டி நிற்கும் உன் வரவிற்காக.