♪ கட்டிடத் தொழிலாளி ♪

     -----------------------------------------------

பிழைப்புக்கு உயிரை பணயம் வைத்தார்

உழைப்பில் உயரிய கட்டிடம் வகுத்தார்

மேசுதிரி என்பாரும் சிற்றாள் என்பாரும்

வீசிடும் கொத்தனாரும் மதிப்பின் தொடர்கள்

சிரசில் ஏற்றிய செங்கல் பாரமே

இறங்கி தேயும் கழுத்தின் எலும்பில் -

சிமண்டி தூசும் சுவாசப் பிணிநோவும்

மண்டித் தாக்கும் கைகால் வெம்பும்;

அல்லும் பகலும் கட்டிடும் சிற்பி

கல்லிலும் தூசிலும் நித்தம் தொய்வான்

கட்டும் இடமே கட்டிடம் பெயரில் !

படும் துன்பம் பாரமே துயரில்

கொட்டி கிடந்தால் செங்கற் குவியல்

கட்டி முடித்தார் கலையழகு கட்டிடம்

சொன்னார் நம்மொழி அறிஞர் அண்ணா;

பண்டைய தொழிலே நிர்மாண கட்டிடம்

முறைசேரா தொழிலில் முன்னேற்ற மில்லை

மறைவழியில் பெண்டிர்க்கு நாளும் தொல்லை

காப்பீடு இல்லாத கையறு நிலையில்

ஒப்பீடு இல்லா உயர்பணி இதுதான்..!