எனக்கு நானே
எனக்கு நானே
1 min
188
எனக்கு நானே தைரியமூட்டிக்கொள்ள
என்னை நானே
உற்சாகமூட்டிக்கொள்ள
எனக்கு நானே
ஆறுதல் படுத்திக்கொள்ள
என்னை நானே
அன்பு செலுத்திக்கொள்ள
ஒரு நாள் முழுக்க
பொழுது புலர்ந்து
பொழுது அடையும்வரை
நூறு வழிகள் கண்டுபிடிப்பேன்
தூக்கம்வரும்வரை
நூறு சமாதானங்கள் தேடிக்கொள்வேன்
இப்போதெல்லாம்
மதியமே இந்த விளையாட்டில்
களைப்படைந்துவிடுகிறேன்
என் தந்திரங்கள்
பாதி நாளிலேயே தீர்ந்துபோகின்றன
மீதிப்பொழுதில்
என்ன செய்கிறேன்
என்று கேட்கிறீர்களா?
கேட்காதீர்கள்
உங்கள் மனம் உடைந்துவிடும்