எழுதாத ஒரு கவிதை

ஆசைகள் எழுகின்ற போதெல்லாம்

பார்க்கிறேன் - அதில்

உன்னை முழுவதும் இரசிக்கிறேன்

நேரில் வரும்போதெல்லாம்

சிலிர்க்கிறேன் - அந்த

மயக்கத்தில் மாயமாக மறைகிறேன்

உடன் இருக்கும் போதெல்லாம்

கரைகிறேன் - அதில்

உன் மேனிதொட்டு உரைகிறேன்

உறக்கத்தில் இருந்த போதெல்லாம்

காண்கிறேன் - அவை

கலையாமல் இருக்க துடிக்கிறேன்

நினைத்திடும் போதெல்லாம்

மகிழ்கிறேன் - அந்த 

சுகத்தை நினைத்து வாழ்கிறேன்

ஆனால்,

எத்தனை எழுதினாலும்

எப்பொழுது எழுதினாலும்

முடியாத கவிதையாய் இருக்கிறாய்

என்னுள்

எழுத முடியாத கவிதையாய் இருக்கிறாய்.......!!!