அழகு

கொஞ்சும் கிளியே உந்தன்

செக்கச் சிவந்த

அலகு அழகா ?

கொத்தாய் காய்த்தே

சிவக்கக் காத்திருக்கும்

கனிகள் அழகா ?

இலாவகமாய் கிளை பற்றியே

கனியை கொத்த உந்தன்

முயற்சிகள் அழகா ?

கொஞ்சிக் கொஞ்சியே

உளம் மயக்கும் உந்தன்

கிள்ளை மொழி அழகா ?

கானம் பாடியே பறந்து

அந்தியை அழகாக்கும்

கிளிக் கூட்டம் அழகா ?

இயற்கையின் படைப்பில்

அனைத்துமே அழகு !

அகம் திறந்தால்

புலனாகும் அழகு !