Quotes New

Audio

Forum

Read

Contests

Language


Write

Sign in
Wohoo!,
Dear user,
ଆକବର ବିରବଲ - ୭୨
ଆକବର ବିରବଲ - ୭୨
★★★★★

© ଓଡିଆ ଶିଶୁ ଗପ

Children

3 Minutes   7.5K    28


Content Ranking

ଶ୍ରେଷ୍ଠ ଜଳ

ଭାରତ ବର୍ଷର ମୋଗଲମାନଙ୍କ ମଧ୍ୟରେ କେବଳ ଯଶସ୍ୱୀ ସମ୍ରାଟ୍ ଭାବରେ ଆକବରଙ୍କ ଖ୍ୟାତି ଥିଲା । ସମ୍ରାଟ୍ ଆକବରଙ୍କର ପ୍ରକୃତ ନାମ ଥିଲା ଜଲ୍ଲାଲୁଦ୍ଦିନ୍ ମହମ୍ମଦ୍ ଆକବର ।

ସମଗ୍ର ଭାରତ ବର୍ଷ ମଧ୍ୟରେ ଆକବର ଥିଲେ ଜଣେ ସର୍ବସହିଷ୍ଣୁ ତଥା ଧାର୍ମିକ ସମ୍ରାଟ୍ । ସେ ହିନ୍ଦୁ ଓ ମୁସଲମାନଙ୍କ ଶାସକ ଥିଲେ । ତାଙ୍କର ଶାସନ ମଧ୍ୟ ହିନ୍ଦୁ ଓ ମୁସଲମାନଙ୍କ ମଧ୍ୟରେ ସମାନ ଥିଲା । ଯାହା ଆକବରଙ୍କ ପୂର୍ବରୁ ଓ ଆକବରଙ୍କ ପରେ ଏପରି ଜଣେ ଶୁଦ୍ଧ ଚିତ୍ତର ଶାସକ ଥିଲେ । ଆକବର ଏପରି ଜଣେ ସମ୍ରାଟ୍ ଥିଲେ ଯେ ଭାରତ ବର୍ଷ ମଧ୍ୟରେ ଥିବା ସମସ୍ତ ଧର୍ମକୁ ସମାନ ଭାବରେ ଦେଖିବା ସହିତ ଖୁବ୍ ସମ୍ମାନ ଦେଉଥିଲେ ।

ଭାରତ ବର୍ଷରେ ଏପରି ସମ୍ରାଟ୍ ନଥିଲେ ଯାହାଙ୍କ ରାଜ ସଭାରେ ନ’ଜଣ ପଣ୍ଡିତ ଥିଲେ । କିନ୍ତୁ ସମ୍ରାଟ୍ ଆକବରଙ୍କ ରାଜସଭାରେ ଯେଉଁ ବଛା ବଛା ପଣ୍ଡିତମାନେ ଥିଲେ ସେମାନଙ୍କୁ ନବରତ୍ନ ଭାବରେ ଗଣନା କରାଯାଉଥିଲା ।

ରାଜସଭାରେ ଯେକୌଣସି ବିଚାର ବିମର୍ଷ ବେଳେ ଆକବର ସେହି ନ’ଜଣ ପଣ୍ଡିତମାନଙ୍କ ସାହାଯ୍ୟ ନେଉଥିଲେ ଏବଂ ସେହି ନବରତ୍ନ ପଣ୍ଡିତଙ୍କ ମଧ୍ୟରେ ସମ୍ରାଟ୍ କେବଳ ବିରବଲଙ୍କୁ ସର୍ବଶ୍ରେଷ୍ଠ ପଣ୍ଡିତ ଭାବରେ ଗଣନା କରୁଥିବା ବେଳେ ତାଙ୍କୁ ଶ୍ରେଷ୍ଠ ପଣ୍ଡିତ ଭାବରେ ଆସନ ପ୍ରଦାନ କରୁଥିଲେ ।

ରାଜସଭାରେ ଯେତେବେଳେ ଯେଉଁ ଗୁରୁତ୍ୱପୂର୍ଣ୍ଣ ଆଲୋଚନା ହେଉଥିଲା ସେମାନଙ୍କ ମଧ୍ୟରେ ଶ୍ରେଷ୍ଠ ପଣ୍ଡିତ ଭାବରେ ବିରବଲଙ୍କ ବିଚାର ଥିଲା, ସ୍ୱତନ୍ତ୍ର । ବିରବଲଙ୍କ କୌତୁକପୂର୍ଣ୍ଣ ବାକ୍ୟ ଏବଂ ବିରବଲଙ୍କର କୌତୁକପୂର୍ଣ୍ଣ ପ୍ରଶ୍ନ ରାଜସଭାରେ ଶ୍ରେଷ୍ଠତ୍ୱ ଗ୍ରହଣ କରୁଥିଲା ।

ସମସ୍ତ ଆଲୋଚନା କାଳରେ ଯେଉଁ ବିଚାର ବିରବଲ ଦେଉଥାଆନ୍ତି ତାହା ସମସ୍ତଙ୍କ ନିକଟରେ ଅକାଟ୍ୟ ହୋଇ ରହୁଥିଲା । ଯାହାକୁ କି ସ୍ୱୟଂ ସମ୍ରାଟ୍ ଆକବର ସମ୍ମାନର ସହିତ ଗ୍ରହଣ କରି ନେଉଥିଲେ ।

ସମଗ୍ର ଭାରତ ବର୍ଷରେ ଆକବରଙ୍କ ଦରବାର ଥିଲା ସର୍ବଶ୍ରେଷ୍ଠ । ସେହି ସର୍ବଶ୍ରେଷ୍ଠ ଦରବାର ଯେତେବେଳେ ଭାରତବର୍ଷରେ ପରିଚିତ ହେଉଥିଲା, ସେତେବେଳେ ଆକବରଙ୍କ ସହିତ ବିରବଲଙ୍କ ନାମ ସଦାସର୍ବଦା ଯୋଡି ହୋଇ ରହୁଥିଲା । ଆକବରଙ୍କୁ ଛାଡି ବିରବଲ ଓ ବିରବଲଙ୍କୁ ଛାଡି ଆକବରଙ୍କ ନାମର କୌଣସି ମୂଲ୍ୟ ନଥିବା ପରି ଭାବିବାକୁ ପଡୁଥିଲା । ଯେତେବେଳେ ଯେଉଁ କାର୍ଯ୍ୟରେ ଆକବରଙ୍କ ନାମ ଆସୁଥିଲା ସେତେବେଳେ ଦରବାର କାହିଁକି ସମଗ୍ର ଦେଶରେ ବିରବଲଙ୍କର ନାମ ମଧ୍ୟ ଯୋଡି ହୋଇ ଆସୁଥିଲା ।

ସମ୍ରାଟ୍ ଆକବରଙ୍କ ଦରବାରରେ ଯେତେବେଳେ ଯେଉଁ କଠୋର ସମସ୍ୟା ଆସି ଉପସ୍ଥିତ ହେଉଥିଲା ସେତେବେଳେ ସେ ସମସ୍ୟାର ସମାଧାନର ବୁଦ୍ଧିମାନ ବ୍ୟକ୍ତି ଥିଲେ ସ୍ୱୟଂ ବିରବଲ । ଏଥିପାଇଁ ସମ୍ରାଟଙ୍କର ଦରବାରରେ ସଦାସର୍ବଦା ନ୍ୟାୟ ବିଚାରରେ ସୁଖ୍ୟାତି ଅର୍ଜନ କରିଥିଲା । ସେଥିଲାଗି ସମ୍ରାଟଙ୍କ ଦରବାରରେ ବିରବଲ ଥିଲେ ଅନ୍ୟ ଆଠଜଣ ପଣ୍ଡିତଙ୍କ ନିକଟରେ ଈର୍ଷାର ପାତ୍ର । ସେମାନେ ସଦାସର୍ବଦା ବିରବଲଙ୍କୁ ଘୃଣିତ ଦୃଷ୍ଟିରେ ଦେଖୁଥିଲେ । ଆଉ ମଧ୍ୟ ଖୁବ୍ ଈର୍ଷା କରୁଥିଲେ ।

ତେବେ ବିରବଲ କେବେହେଲେ ଅନ୍ୟ ପଣ୍ଡିତମାନଙ୍କ ସମାଲୋଚନାକୁ ଭୂକ୍ଷେପ ନ କରି ନିଜର ଦାୟିତ୍ୱକୁ ସୂଚାରୁ ଭାବରେ ସଂପାଦନ କରିଆସୁଥିଲେ । ସମ୍ରାଟଙ୍କ ଦରବାରରେ ସମ୍ରାଟଙ୍କୁ ସେ କେବେହେଲେ ଅନ୍ୟ ବିପକ୍ଷବାଦୀଙ୍କ ନିକଟରେ ପରିଚିତ କରାଇ ଦେଉନଥିଲେ । ତାହାର ଏକ ଚାକ୍ଷୁଷ ପ୍ରମାଣ ନିମ୍ନୋକ୍ତ ପାଠରେ ପ୍ରଦତ୍ତ କରାଯାଇଛି ।

ଏକଦା ସମ୍ରାଟ୍ ଆକବର ସିଂହାସନରେ ବସିଥା’ନ୍ତି । ଦରବାରରେ ରାଜକାର୍ଯ୍ୟ ଆରମ୍ଭ ହୋଇଛି । ପାରିଷଦମାନେ ନିଜ ନିଜର ଆସନରେ ନୀରବତା ରକ୍ଷା ପୂର୍ବକ ବସିଥା’ନ୍ତି । ସମସ୍ତଙ୍କର ଦୃଷ୍ଟି ରହିଥାଏ ସମ୍ରାଟ୍ ଆକବରଙ୍କ ଉପରେ । ବର୍ତ୍ତମାନ ମହାମାନ୍ୟ ସମ୍ରାଟ୍ ଆକବର କେଉଁ କାର୍ଯ୍ୟ ଆଲୋଚନା କରିବାକୁ ଇଚ୍ଛା ପ୍ରକାଶ କରିବେ । କିନ୍ତୁ ବିରବଲ ସମସ୍ତ ଦରବାର ମଧ୍ୟରେ କେଉଁ ସ୍ଥାନରେ ସେ ନିଜର ଆସନ ଅଳଙ୍କୃତ କରିଥିଲେ, ତାହା କାହାରି ଦୃଷ୍ଟି ଗୋଚରରେ ନଥାଏ । ହଠାତ୍ ମହାମାନ୍ୟ ସମ୍ରାଟ୍ ଆକବର ଦରବାରରେ ଉପସ୍ଥିତ ଥିବା ସଭ୍ୟ ଓ ପଣ୍ଡିତମାନଙ୍କର ଉଦ୍ଧେଶ୍ୟରେ ଏକ ପ୍ରଶ୍ନ କରିଥିଲେ ଯେ – ଆଜି ମୋ ଦରବାରରେ ବହୁ ମାନ୍ୟଗଣ୍ୟ ତଥା ପଣ୍ଡିତ ଓ ପଣ୍ଡିତ ସମାନ ବିଜ୍ଞ ବ୍ୟକ୍ତିମାନେ ଉପସ୍ଥିତ ଅଛନ୍ତି । ସେମାନଙ୍କ ମଧ୍ୟରୁ କେହି କହିପାରିବେ କି? ମୋ ରାଜ୍ୟରେ ଏପରି କେଉଁ ନଦୀ ଅଛି ଯାହାର ଜଳ ସବୁ ନଦୀର ଜଳଠାରୁ ଶ୍ରେଷ୍ଠ ବୋଲାଉଛି ।

ସମସ୍ତେ ଏବେ ଚକିତ ଦୃଷ୍ଟିରେ ଅନ୍ୟ ଅନ୍ୟର ମୁଖକୁ ବାରମ୍ବାର ଦୃଷ୍ଟି ପକାଇଲେ । ସମସ୍ତଙ୍କ ମନରେ ସେହି ଗୋଟିଏ ଭାବନା ଥିଲା ଯେ ସମ୍ରାଟଙ୍କ ଏହି ପ୍ରଶ୍ନର ଯଥାର୍ଥ ଉତ୍ତର ଦେବା କାହାଙ୍କ ଦ୍ୱାରା ସମ୍ଭବ ହେବ । କାରଣ ଏହି ପ୍ରଶ୍ନ ଥିଲା ସମଗ୍ର ପାରିଷଦଗଣଙ୍କ ନିମନ୍ତେ କଠିନ ପ୍ରଶ୍ନ । କିଏ ଦେଇପାରେ ଏହାର ନିର୍ଭୁଲ୍ ଓ ଯଥାର୍ଥ ଉତ୍ତର ।

ଜଳ ରାଜସଭା ଶାସକ

Rate the content


Originality
Flow
Language
Cover design

Comments

Post

Some text some message..