ଲାଇବ୍ରେରୀ
ପ୍ରୋଫାଇଲ୍
କାନ୍ତ ବିନୁ
କାନ୍ତ ବିନୁ
1 min
218
ପଶ୍ଚିମ ଆକାଶେ ରବି ଲୁଚିଲେଣି
ସଞ୍ଜ ଆସେ ନଇଁ ନଇଁ
ଗାଁ ବଧୁ ଟିଏ ସଞ୍ଜବତୀ ଜାଳି
କାନ୍ଦୁଅଛି କଇଁ କଇଁ
କାନ୍ତ ବାଟ ଚାହିଁ ରହିଛି ଅନାଇ
ପଲକ ତା ପଡୁନାହିଁ
ଲୁହ ପୋଛି ପୋଛି ବୀର ହେ ପୁଚ୍ଛଇ
ଲୋ ସଞବତୀ ଲୋ ବୃନ୍ଦାବତୀ
ମୋ କାନ୍ତ ରହିଗଲେ କାହିଁ ........।
ପାଟ ପତନି ରେ ନିଜକୁ ସଜାଇ
କେଶ ରେ ଗଜରା ନାହିଁ
ପାକ ଅନ୍ନ ଥାଳି ରଖିଛି ସଜାଇ
ସ୍ନେହେ ଭୁଞ୍ଜାଇବା ପାଇଁ
ଆସିବା ପାଇଁକି ସଂଦେଶ ପଠାଇ
ନ ଆସିଲ କାହିଁ ପାଇଁ
ବାଟ ଚାହିଁ ଚାହିଁ ନିରାଶେ ପୁଚ୍ଛଇ
ରେ ଖଦ୍ଯୋତିକା ରେ ପିପିଲିକା
ମୋ କାନ୍ତ ରହିଗଲେ କାହିଁ ........।
ଦୂର ଦେଶେ ଗଲ ରୋଜଗାର ପାଇଁ
ମନକୁ ମୋ ପାଶେ ଥୋଇ
ପରିବାର ମୁଖେ ଅନ୍ନ ଦେବା ପାଇଁ
ପରଦେଶେ ଗଲ କାହିଁ
ବିରହ କଷଣ ନ ସହି ମୋ ପ୍ରାଣ
ଅନ୍ତ ନିକଟ ହୁଅଇ
ପ୍ରାଣ ଯାଉ ଯାଉ ବିକଳେ ପୁଚ୍ଛଇ
ହେ ଜଳ ଧର ହେ ନିଶାକର
କାନ୍ତ ମୋ ରହିଗଲେ କାହିଁ.........।
