ନେତାଙ୍କ ସଜ୍ଞା
ନେତାଙ୍କ ସଜ୍ଞା
କିଏ କହେ ପୋଡାମୁହାଁ କିଏ ରହିଜଳା
କଳାକୁ ମୁଁ ଧଳା କରେ ଧଳାକୁ ମୁଁ କଳା
ଜନତାଙ୍କ ପାଦ ଧରେ ପରେ ଚିପେ ଗଳା
ନାଆଁ ମୋର ନେତା
ମୋ' କରମ ଜାଣିଗଲେ ବୁଡିଯିବ ଚେତା । .......( ୧ )
ପ୍ରତିଶୃତି ମୋର ସବୁ ପାଣି ଗାର ପରି
ବରଷା ଯୁଆଡେ ହୁଏ ଯାଏ ଛତା ଧରି
ବ୍ୟାଙ୍କ୍ ସଙ୍ଗେ ତ୍ରିଜୋରିରେ ଯାଏ ଧନ ଭରି
ଭୋଟରଙ୍କ ଦୁଃଖେ
ଉପରେ ଲୁହ ଝରାଏ ରହି ମୁହିଁ ସୁଖେ । ....... ( ୨ )
ଶଳା ଶାଳୀ ପୁଅ ଝିଅ ପତ୍ନୀ ନାମେ କୋଠା
ମାଣ ମାଣ ଜମି ମୋର ଗାଡି ଗୋଟା ଗୋଟା
ନଥିବେ ଏ ସଂସାରରେ ମୋ'ପରି କେ ଚୋଠା
ସଭାଟିରେ ତାଳି
ସଭା ସରିଗଲେ ମୁହିଁ ପାଏ ଖାଲି ଗାଳି । ........ ( ୩ )
ଭଙ୍ଗା କୁ ମୁଁ ଯୋଡି ଦିଏ କମିଶନ ଖାଇ
ରାତି ଅଧେ ଖୁସି ହୁଏ ନାରୀ ସଙ୍ଗ ପାଇ
ସଭା ସମିତିରେ ଭଦ୍ରଲୋକ ବୋଲୁ ଥାଇ
କୁହେ ମୁହିଁ ଯାହା
ବିପରୀତ କାମ କରି ପାଏ ବାହା ବାହା । ........ ( 4 )
ଅମୂଲ୍ୟ କୁମାର ପଣ୍ଡା