ମୌସୁମୀଗୋ

ମୌସୁମୀଗୋ ତୁମେ ଜ୍ଵଳନ୍ତ ପ୍ରାଣର

ନୀଳ ଜଳ ରାଶି ସିନ୍ଧୁ 

ମନ ଉପବନେ ଶୀତଳ ପରଶ 

କୋଟିଏ ପ୍ରାଣର ବିନ୍ଦୁ 

ମୌସୁମୀଗୋ ତୁମେ ଦୂର ଆକାଶରେ 

ଚାତକର ଦିବ୍ୟ ଦୃଷ୍ଟି 

ମରୁ ପ୍ରାନ୍ତରରେ ଆଶାର କିରଣ 

ସବୁଜ ବନାନୀ ସୃଷ୍ଟି 

ମୌସୁମୀଗୋ ତୁମେ ଚାଷୀର ଭରସା

ସୁବର୍ଣ୍ଣ କ୍ଷେତର ଆଶା

ମରତ ଭୂଇଁରେ ମାଟିର ମହକ

କବିର ହୃଦୟ ଭାଷା

ମୌସୁମୀଗୋ ତୁମେ ବେଙ୍ଗୁଲୀ ରାଜ୍ୟର

କୋଳାହଳ ଭରା ହାଟ

ମଖମଲି ଘାସ ଗାଲିଚା ଉପରେ

ସାଧବ ବୋହୂର ପାଟ

ମୌସୁମୀଗୋ ତୁମେ କୁନି ପିଲାଙ୍କର

କାଗଜର ଭସା ନାଆ 

ମନ୍ଦ ମନ୍ଦ ହସ ଖରାର ଡହକେ

ଜୀବନ ଶୀତଳ ବାଆ

---------------------------------------

    #ଅମୂଲ୍ୟ_କୁମାର_ପଣ୍ଡା

   ଅରଙ୍ଗାବାଦ, ବରୀ, ଯାଜପୁର