ମାର ନାହିଁ ପର ପେଟକୁ

ମାର ଯେତେ ଭାଇ ପିଠିରେ ମାରିବ

ପେଟକୁ ମାରନା ମୋଟରୁ

ପିଠିରେ ମାରିଲେ ବାହାରଟା କାଟେ

ପେଟ ଭିତିରିଆ ଚୋଟରୁ

ଲିଭିଯାଏ ପିଠି ଦାଗଟା

ପେଟର ଦାଗଟା ଏତେ ଗହରିଆ

ସତେକି ଭୋକିଲା ବାଘଟା ।

ପିଠିର ଦରଜ ଅପସରି ଯାଏ

ପେଟର ଦରଜ କମେନା

ସେହି ଦରଜରୁ ମନ ପୋଡିଯାଏ

ଆଉ ଭାବ ମୋଟେ ଜମେନା

ସମ୍ପର୍କ ସୁନ୍ଦର ଭାବରୁ

ଅତୁଟ ସମ୍ପର୍କ ଗଢଇ ଯେମିତି

ନାଉରି ତା ପ୍ରିୟ ନାବରୁ ।

ଅନ୍ୟର ପେଟକୁ ଲାତ ମାର ନାହିଁ

ଅବା ପୋଡ ନାହିଁ ମନଟା

ମନ ଥରେ ଯଦି ପୋଡିଯାଏ ଜାଣ

ତୁଚ୍ଛ ସେଠି ଧନ ତନଟା

ମନ କେବେ କା'ର ପୋଡନା

ମନ ପୋଡିଦେଇ ନିଜ ସ୍ବାର୍ଥ ପାଇଁ

ଆଉ ତାଳି ଦେଇ ଯୋଡ଼ନା ।

------------ #ଅମୂଲ୍ୟ_କୁମାର_ପଣ୍ଡା ------------

-------- ଅରଙ୍ଗାବାଦ୍ , ବରୀ , ଯାଜପୁର ---------