ସ୍ୱାସ୍ଥ୍ୟ ପାଇଁ ଖେଳ

ଦୁଆରେ ବସିଣ ଜେଜେ ଡାକିଲେଣି 

   କୁନୁ ମୁନୁ ଶୁଣ ଶୁଣ

ଖେଳ ପଡିଆରେ ହେଲାଣି ଚହଳି

    ବେଟ ବଲ ସାଥେ ଆଣ l

ଚାହିଁ ରହିଅଛ ମୋବାଇଲ ତୁମେ

  ସେଥିରେ ମିଳେ କି ବଳ

ଖେଳ କସରତ କରିଲେ ଜାଣ

   ଦେହରୁ ବହିବ ଯେ ଝାଳ l

ମାଂସପେଷୀ ତୁମ ହୋଇବ ସୁଦୃଢ

 ଖେଳକୁଦେ ଲଗାଇଲେ ତୁମେ ମନ

ଶାରୀରିକ ସୁସ୍ଥତା ବଜାୟ ରହିବ 

ଆନନ୍ଦ ଉଲ୍ଲାସେ ବିତିବ ଦିନ l

ହସିବ ବସିବ ସାଙ୍ଗସାଥୀ ମେଳେ

  ଲଭିଣ ନୂଆଁ ନୂଆଁ କୌଶଳ

ଚାରିକାନ୍ଥ ମଧ୍ୟେ କିସୁଖ ରହିଛି 

 ପାଇବୁ ଲୋଟିଣ ମାଟିମା ' କୋଳ l