ପଲ୍ଲୀ ସକାଳ

କାକ ରାବିଳେଣି ପିକ ଗାଇଲେଣି

କୁମ୍ଭାଟୁଆ ହେଲେ ଭାଟ

ପଲ୍ଲୀବାଳା ସବୁ ଗାଧୋଇ ଗଲେଣି

ଚହଟେ ନଈର ତୁଠ ,

ଧିମି ଧିମି ଧୂପ ମହକର ସାଥେ

ବେତାର ଭକ୍ତି ସଙ୍ଗୀତ  

ମଳୟେ ଖେଳିଲା ଜଣାଇ ଜଣାଇ

ଆସିଗଲା ସୁପ୍ରଭାତ ,

ଗାଁ ଦାଣ୍ଡେ ବୁଲି କୁକ୍କୁଟ କହିଲେ

ଉଠ ନକରିଣ ମଠ

ମନ୍ଦିରୁ ଶୁଭିଲା ଘଣ୍ଟ ଘଣ୍ଟା ସାଥେ

ଶଙ୍ଖ ଧ୍ଵନୀ ମନ୍ତ୍ର ପାଠ,

ସିନ୍ଦୁରି ସିନ୍ଦୁରି ପୂରବ ଆକାଶ 

ବିହଙ୍ଗେ ଗାଇଲେ ଗୀତ

ସୁସୁପ୍ତ ପରାଣେ ‘ବାସ୍ତବର ଛୁଆଁ ‘

ସତେ ! କେତେ ପ୍ରାଣବନ୍ତ .. ।।

ତପନ ଦୀକ୍ଷିତ(ବେଳାଭୂମି)

ନାଶିକେଶ୍ୱର, କାକଟପୁର, ପୁରୀ