વરસાદમાં ભીંજાવું છે !
વરસાદમાં ભીંજાવું છે !
બાળપણની જેમ,
વરસતા વરસાદમાં,
હાથમાં જૂતા પકડીને,
ખૂલ્લા પગે છબછબિયામાં
ચાલતા ચાલતા,
પલળી જવું છે મારે !!
ઘરે આવતા જ,
ટુવાલથી મારુ માથું પોંછતી,
ગુસ્સે થતી મારી માં નો એ ચહેરો,
ફરી જોવો છે મારે !!
માઁ ને ખોળે અને પિતાને ખભે ચડીને,
મોટા થવાના સપના ભલે પૂરા થઈ
ગયા હોય આજે,
માઁ ના હાથે કોળિયા અને પિતાની આંગળી પકડીને ચાલવાના શોખ,
ફરી પાછા પૂરા કરવા છે મારે !!