ભીતરનો પ્રેમ
ભીતરનો પ્રેમ
ગઝલ લખીએ છે તેવું ક્યાં જીવાય છે,
હવે તારા વગર મારાથી ક્યાં રહેવાય છે.
ઓગળી રહ્યો છે તારા પ્રત્યેનો મારો અહં
બંધ પાંપણ માં પણ હવે તો તું શરમાય છે,
મને અણસાર છે ક્યાંક તો ભીતર છે તું,
શોર ના કરે તો પણ મૌન તારૂં મલકાય છે,
મારા હોઠની લાલી તારામાં અદ્રશ્ય થાય છે
તારી આંખોનો નશો હવે ક્યાં ચર્ચાય છે.
સરેઆમ ક્યાં પ્રેમની વાત થાય છે યશવી,
મનની વાત જાહેરમાં આમ ક્યાં કહેવાય છે.
રૂપાલી ચોકસી "યશવી"